Chaire parlementaire

D'Chamber ënnerstëtzt d'Recherche an de parlamentareschen Etüden.

E Léierstull an Zesummenaarbecht mat der Uni.lu 

Zanter 2011 besteet e Partenariat tëscht dem Lëtzebuerger Parlament an der Uni Lëtzebuerg. Just 16 Länner hunn eng änlech Zesummenaarbecht. De Léierstull gëtt vum Professer Philippe Poirier geleet. Dee gesäit am Studiegang eng Opportunitéit fir d'Demokratie ze studéieren an ze verbesseren. Mam Léierstull an de parlamentareschen Etüden soll et zu engem bessere Versteesdemech vum Parlamentarismus an den nationalen an europäeschen Prozesser an dem Fonktionnement dovunner kommen. De Partenariat soll dozou féieren, datt méi wëssenschaftlech Date geschaafe ginn an d'Situation vum Parlamentarismus zu Lëtzebuerg an doriwwer eraus besser verstanne gëtt. 

Konferenzen, Publikatiounen an e Master an de parlamentareschen Etüden

De parlamentaresche Léierstull organiséiert international Konferenzen, wou Deputéiert, Politologen a Verfassungsexperten an der Chamber zesummekommen. Donieft elaboréiert en Etuden iwwer d'Walen zu Lëtzebuerg. De Léierstull erméiglecht et aner Fuerschungsprojet z'ënnerstëtzen, d'Recherchen um Niveau vum Doktorat ze finanzéieren an auszebauen a fir akademesch Publikatiounen a Publikatioune fir de grousse Public ze verëffentlechen. E Master an de parlamentareschen Etüden gëtt et zanter der Schoulrentrée 2020-2021. 

D'Publikatioune iwwert déi national Politik ?

D'Deputéiert Member vum Comité de pilotage