D'Fuerschung am Déngscht vum Parlament
Mat wëssenschaftlechen Daten an Erkenntnisser den ëffentlechen a politeschen Debat opklären an doduerch d’Demokratie stäerken
De Wëssenschaftlechen Déngscht, och Cellule scientifique genannt, gouf 2021 kreéiert, fir der Chamber en onofhängegen, politesch neutralen an objektive Fuerschungs- a Berodungsdéngscht ze ginn.
D’Zil ass et, den Deputéierten déi néideg Informatiounen ze ginn, déi hinnen et erlaben, sech iwwer komplex Thematiken eng Meenung ze bilden.
Fuerschungsaarbechten
-
- De Legislateur iwwer wëssenschaftlech Froen opklären, déi de politesche Choix kënne beaflossen
- Wëssenschaft, Gesellschaft a Politik méi no zesummebréngen an dozou bäidroen, déi wëssenschaftlech Kultur ze fërderen
- Duerch d’Zesummenaarbecht mat wëssenschaftleche Partneren zu Lëtzebuerg a weltwäit zur Vernetzung vun der Chamber bäidroen
-
D’Cellule scientifique setzt sech aus Fuerscher zesummen, déi an de Beräicher
Rechts-, Natur- an Humanwëssenschaften noweislech Expert sinn. E multidisziplinäre Reseau aus nationalen an internationale Spezialiste steet hir bei Bedarfzur Säit. -
D’Membere vum wëssenschaftlechen Déngscht engagéieren sech de wëssenschaftleche Konsens op eng transparent, onofhängeg a kritesch Manéier ze presentéieren. Wann de wëssenschaftleche Konsens ëmstridden ass, ginn déi verschidde Bléckwénkel mat hire jeeweilegen Argumenter a Konsequenze presentéiert.
Fir dass de Wëssenschaftlechen Déngscht zouverlässeg Informatiounen ubidde kann, verschreiwe seng Mataarbechter sech strenge wëssenschaftleche Qualitätsstandarden.