Fuerschung
Op Ufro vun den Deputéierten oder aus eegener Initiativ bedreift d’Cellule scientifique Fuerschung an analyséiert wëssenschaftlech Informatiounen, déi zur politescher Debatt bäidroen. D’Fuerschungsaarbechte ginn a verschiddenaartegen Dokumenter publizéiert, wat d’Format an d’Struktur ugeet.
Organisatioun vu Konferenzen, Evenementer a Formatiounen
Mam Zil, déi politesch a wëssenschaftlech Welt méi no beieneen ze bréngen, organiséiert a koordinéiert d’Cellule scientifique Konferenzen, Evenementer a Formatiounen.
Déi wëssenschaftlech Kultur promovéieren
D’Cellule scientifique dréit duerch verschidden Aktiounen dozou bäi, déi wëssenschaftlech Kultur ze promovéieren, zum Beispill an Zesummenaarbecht mam nationale Fuerschungsfong FNR (Fonds national de la recherche)
International Zesummenaarbecht
De Wëssenschaftlechen Déngscht ass mat anere parlamentaresche Fuerschungsdéngschter am Ausland vernetzt an Deel vun engem internationale Reseau fir parlamentaresch Wëssenschaft an Dokumentatioun
Zesummenaarbecht mat der uni.lu an aneren Institutiounen
Si bedeelegt sech un der Léier an u Fuerschungs- a Betreiungsaktivitéite fir Studenten an Zesummenaarbecht mat der Universitéit Lëtzebuerg (uni.lu) an aneren akadeemeschen Institutiounen.
