Transparenzregister

 

Wat ass en Transparenzregister?

Fir datt d’parlamentaresch Aktivitéiten esou transparent wéi méiglech sinn, huet d’Chamber een Transparenzregister an d’Liewe geruff. Do muss all Kontakt mat enger Persoun vu baussent dem Parlament, deen d’legislativ Aarbecht oder den Decisiounsprozess an der Chamber beaflosst,  am viraus ageschriwwe ginn.. 

Esou muss also och all moralesch oder physesch Persoun déi eng 3.Persoun representéiert oder vun hier mandatéiert gouf, sech am viraus an de Regester androen, wa se op déi eng op déi eng oder aner Manéier kéint déi legislativ Aarbecht oder d’Decisioune vun der Chamber beaflossen. Schreift se sech net an, däerf et kee Kontakt ginn.Dee Register ass geduecht, fir déi divers Acteuren ëffentlech ze maachen.

Net all Kontakter mussen an de Regseter kommen, Ausgeschloss sinn zum Beispill  Kontakter tëscht den Deputéierten a Bierger déi vun hirer perséinlecher Situatioun oder privaten Interessen erzielen.

 

Och d‘’Europadeputéiert, aner staatlech Institutiounen an Organisatiounen déi lokal, kommunal an interkommunal Autoritéite representéieren an d'Beruffskummere falen net ënnert dës Bestëmmunge vum Transparenzregister.

Den Artikel 178bis vum Chambersreglement definéiert d’Aktivitéiten, déi vum Transparenzregister ofgedeckt sinn, a wéi eng ausgeschloss sinn.

Den Transparenzregister ass ëffentlech a ka bei der Chamberverwaltung consultéiert ginn. En enthält:

  • De Numm
  • D’juristesch Form
  • D’Adress (vum Haaptsëtz)
  • D’Telefonsnummer
  • D’E-Mail-Adress
  • D’Nummer vun der Entreprise, wéi se am Handelsregëster oder am Equivalent fir auslännesch Entreprise virgesinn ass
  • D‘Zil vun der Associatioun, Entreprise oder dem Gruppement (‚but social‘)
  • De Numm vun Drëtten, dee vertruede gëtt (wann de Fall sech stellt)

D’Informatiounen iwwer de Numm, d’juristesch Form an de Numm vun Drëtten, dee vertruede gëtt sinn um Site vun der Chamber verëffentlecht.

D’Entreprisen, d’Institutiounen, d’Organisatiounen an d’physesch a moralesch Persounen, déi sech androen:

  • Acceptéieren, datt d’Informatiounen, déi si am Register hannerloossen, publizéiert ginn
  • Garantéieren, datt d’Informatiounen, déi am Register stinn, korrekt sinn an si acceptéieren ze kooperéiere wann administrativ Demande fir weider Informatiounen oder fir eng Mise à jour gestallt ginn
  • Si acceptéieren datt déi unilateral Inscriptioun ënnert hirer eegener Responsabilitéit geschitt
  • si sinn sech bewosst, datt si sech zu all Moment aus dem Transparenzregister kënne sträiche loossen.

Wann Dir Iech wéilt aschreiwen oder ofmelle wëllen, biede mir Iech Är Demande un d’E-Mail-Adress registredetransparence@chd.lu ze schécken, mat all de néidegen Informatiounen:

  • De Numm
  • D’juristesch Form
  • D’Adress (vum Haaptsëtz)
  • D’Telefonsnummer
  • D’E-Mail-Adress
  • D’Nummer vun der Entreprise, wéi se am Handelsregëster oder am Equivalent fir auslännesch Entreprise virgesinn ass
  • Dat soziaalt Zil vun der Associatioun, Entreprise oder dem Gruppement
  • De Numm vun Drëtten, déi representéieren

Mir invitéieren Iech d’Nott iwwer den Dateschutz vun der Persounen déi am Transparenzregister opgeholl sinn ze consultéieren.